Општина Битола ќе издвои милион денари за пациентите со ретки болести
Општина Битола, на предлог на градоначалникот Тони Коњановски, на следната седница со ребаланс на буџетот ќе издвои еден милион денари (околу 16.000 евра) за поддршка на луѓето со ретки болести од градот.
Ова денеска Коњановски го соопшти на работната средба со членовите на Здруженијата на лица со ретки болести од Битола, одржана со цел согледување на нивните потреби и проблемите со кои се соочуваат, како и овозможување на локална поддршка додека чекаат да се спроведат повеќе решенија на национално ниво.
Имајќи го предвид тоа дека за најголемиот број приоритети на луѓето со ретки болести надлежни се Владата и државните институции, пациентите со ретки болести или членови на нивните семејства со градоначалникот Коњановски разговараа за создавање можности потребната месечна терапија да ја подигнуваат од битолската Клиничка болница, наместо секој месец да патуваат во Скопје.
Како посебен проблем беше потенциран превозот – покрај финансиските трошоци, за лицата кај кои ретките болести предизвикале и физичка попреченост, тешкотии претставуваат и архитектонските бариери. Високата цена на ортопедските помагала е уште едно оптоварување за овие лица, кои очекуваат државата да им овозможи дополнителни поволности за набавка на помагала соодветни на потребите.
Градоначалникот Коњановски информираше дека општината, согласно својата надлежност, ќе продолжи да ги поддржува овие луѓе, како со конкретни мерки, така и со поддршка на нивните иницијативи испратени до Владата и надлежните министерства.
Според Коњановски, во Општина Битола се регистрирани околу 30 пациенти со ретки болести, а општината преку Програмата за социјална заштита во моментов овозможува финансиска помош за адаптација, изградба или поставување на инфраструктура за физичка пристапност за луѓе со попреченост во нивните домови.
Ова денеска Коњановски го соопшти на работната средба со членовите на Здруженијата на лица со ретки болести од Битола, одржана со цел согледување на нивните потреби и проблемите со кои се соочуваат, како и овозможување на локална поддршка додека чекаат да се спроведат повеќе решенија на национално ниво.
Имајќи го предвид тоа дека за најголемиот број приоритети на луѓето со ретки болести надлежни се Владата и државните институции, пациентите со ретки болести или членови на нивните семејства со градоначалникот Коњановски разговараа за создавање можности потребната месечна терапија да ја подигнуваат од битолската Клиничка болница, наместо секој месец да патуваат во Скопје.
Како посебен проблем беше потенциран превозот – покрај финансиските трошоци, за лицата кај кои ретките болести предизвикале и физичка попреченост, тешкотии претставуваат и архитектонските бариери. Високата цена на ортопедските помагала е уште едно оптоварување за овие лица, кои очекуваат државата да им овозможи дополнителни поволности за набавка на помагала соодветни на потребите.
Градоначалникот Коњановски информираше дека општината, согласно својата надлежност, ќе продолжи да ги поддржува овие луѓе, како со конкретни мерки, така и со поддршка на нивните иницијативи испратени до Владата и надлежните министерства.
Според Коњановски, во Општина Битола се регистрирани околу 30 пациенти со ретки болести, а општината преку Програмата за социјална заштита во моментов овозможува финансиска помош за адаптација, изградба или поставување на инфраструктура за физичка пристапност за луѓе со попреченост во нивните домови.
#демократски_институции #institucione_demokratike #democratic_institutions #CivicaMobilitas
Проектот се спроведува со финансиска поддршка преку програмата Цивика мобилитас
Projekti realizohet me mbështetje financiare përmes programit Civica Mobilitas
Projekti realizohet me mbështetje financiare përmes programit Civica Mobilitas
Дисклејмер: Цивика мобилитас е проект на Швајцарската агенција за развој и соработка (СДЦ), кој го спроведуваат НИРАС, МЦМС и ФЦГ. Мислењата кои се изразени овде не нужно ги одразуваат ставовите на Цивика мобилитас, СДЦ или пак спроведувачките организации
Disclaimer: Civika mobilitas është projekt i Agjencisë zvicerane për zhvillim dhe bashkëpunim (SDC), të cilin e zbatojnë NIRAS, MCMS dhe FCG. Mendimet e shprehura këtu jo domosdo i reflektojnë qëndrimet e Cvika mobilitas, SDC ose të organizatave zbatuese.